Зохиол Ул мөр, Улам их мөрөөд гэсэн 2 дэд сэдвээс бүтнэ.

Зохиолын гол дүр Золбоот Аутизмын хүрээний эмгэгтэй. Хэл яриа ашигладаггүй. Түүний давтагдмал үйл, өөрийгөө илэрхийлэх чадамжгүй байдлыг ашиглан хүн амины хэрэгт буруутгана. Таамаглашгүй олон үйл явдлууд хөвөрч, клиникийн эмгэг судлаач эмч нар, өмгөөлөгч Анарын уйгагүй үйл ажиллагааны тусламжтайгаар  хэргийн үнэн зөвийг олж тогтооно.

Улам их мөрөөд бүлэгт аутистик охин Гоодалийн тухай өгүүлнэ. Гоодаль бол мөрөөдлийн ертөнцөөр аялагч, номын хорхойтон. Зохиолын төгсгөлд хоёр өөр орчинд өсч хүмүүжсэн хүмүүс хэрхэн учирч бие биедээ татагдан тэмүүлж буйг өгүүлнэ.

Аутизм бол өвчин биш харилцааны эмгэг юм. Аутизмын хүрээний эмгэгтэй хүмүүсийн дотоод ертөнцийн гайхамшгийг зохиолоос уншиж мэдрээрэй.